احلي اكلة في العزومات رول الفراخ المحشية رووعة لفاطمة ابو حاتي
المكونات :
- فرخة مخلية من العضم
- 2 كوب ارز مغسول ومنقوع نصف ساعة
- 2 بصلة كبيرة مقطعة صغير
- ربع كيلو كبدة مقطعة مكعبات صغيرة
- ربع كيلو قوانص مسلوقة ومقطعة مكعبات
- شرائح طماطم
- شرائح جزر
- بصل مكعبات
- ملعقة صغيرة ثوم مفروم
- 1 طماطم مبشورة
- ملح
- فلفل
- قرفة
- رشة سكر
- رشة بهارات سبعة
- 2 فص مستكة
- حبهان بودر
- بصل بودر
- ثوم بودر
- زبدة
- زيت
- 2 كوب ماء مغلي
لدهن الوجة :
- كاتشب
طريقة التحضير :
- بعد خلي الفرخة اقوم بدقها بين كيسين من السندوتشات مفتوحين واخلط الثوم البودر والبصل البودر والملح والفلفل والبهارات السبعة وحبهان بودر وابتدي اتبل الفرخة كلها واسبها .
- للحشوة في طاسة نضع فيها زيت وزبدة يسخنم جدا انزل الرز واشوحة وبعد كده انزلة فصين مستكة وبعد متشوح كويس جدا وشرب كل المادة الدهنية انزلة ملح وفلفل وقرفة وبهارات سبعة واقلبهم وانزل البصل وادبلة مع الرز وانزل الثوم والطماطم وتقلبتين واطفي وانزلة في طبق .
- لعمل الكبد والقوانص في نفس الطاسة انزل زيت يسخن اوي انزل الكبدة واشوحها لونها يغير انزلها ملح وفلفل وبهارات سبعة وقرفة واشوحهم واول ما تستوي انزلها القوانص تشوحتين مع بعض واظبط الملح وانزلها علي الرز اسبهم يبرد خالص عشان احشي بيهم.
- ابتدي احشي في النص ومكترش عشان الرز بينفش والفها رول واقفلها بدبارة وافرش قالب بالخضار وارص الفراخ فوقهم وانزلهم المية المغلية واغطيهم بالفويل وادخلها فرن سخن علي الارضية اول متغلي اطلعها ع الشبكة واسبها علي نار هادية لغاية ما تستوي .
- اول ما تستوي اشيل الفويل ادهن الوش بالكاتشب وادخلها لغاية متاخد لون والرز انزلة شوية من المية المهم تكون تحت الرز واسبها علي النار الهادية متغطي لغاية ميستوي واقدمة .
اكملي الموضوع وشاهدي فيديو التحضير من خلال الضغط علي التالي :
تعليقات: 0
إرسال تعليق