الكحك : كل سنة وانتم طيبين وطبعا العيد مش بيحلا غير بالكحك هنعملة انهاردة علي طريقة ممتي وجدتي بالسمنة المقدوحة احلا كحك مكن تاكلية بالهنا والشفا .
- 1كيلو دقيق حلويات منخول
- 500جرام سمنة بلدي او خليط
- 1ملعقة كبيرة خميرة فورية
- 1ملعقة كبيرة سكر
- 1ملعقة صغيرة ريحة كحك بودر
- نصف كوب سمسم محمص
- نصف كوب لبن دافي
- نصف كوب ماية دافية
- باكيت كريم شانتي
- ربع ملعقة صغيرة ملح
- عجمية
- عجوة
- ملبن
- سكر بودرة
1- نقوم بوضع الخميرة والسكر في الماءونقلبهم مع بعض جيدا وتركهم حتي يخمرو .
2- نقوم بوضع الدقيق و الملح والكريم شانتي وريحة الكحك ونقلبهم مع بعض كلهم واقدح السمنة كويس اوي علي النار وبعد متقدحت نقوم بوضعها علي الدقيق شوية بشوية وبراحة خالص لانها هتفور واقلب بمعلقة وانا بنزلها اضع معها معاها السمسم .
3- بعد وضع السمنة كاملة والدقيق نقوم بعجن الدقيق واعد 10دقايق علي كده اعجن في الدقيق بالسمنة لغاية ملاقي العجينة ناعمة خالص كل متعجيني فيه كل ميطلع ناعم جدا والعجينة في نفس الوقت متماسكة .
4- بعد مخلصت عجن اضع الخميرة واللبن واعجن لغاية ماللبن يختلط بالعجينة خالص كده بقت جاهزة وابتدي اخد جزء واحشية بالحشوات واكورها وارص علي صاج او صواني فرن الومنيوم ممكن تنقشية وممكن لا بعد متخلصي كل الكمية سبية ساعة يخمر .
5- بعد مخمرهتعرفي ازاي هتلاقيها نشفة وماسكة نفسها هتدخلية الفرن علي الرف الوسطاني يكون فرن سخن اوي اوي علي 180 لغاية مياخد لون من تحت ومن فوق اشقر بسيط واول ميبرد خالص رشي علية السكر البودرة .
شاهدى فيديو التحضير من خلال الضغط على التالى : ↚
تعليقات: 0
إرسال تعليق